TARAÉ ձեռքի աշխատանքի մասին
|
|
TARAÉ-ն ձեռագործ բրենդ է, որը մասնագիտացած է յուրահատուկ և ոճային աքսեսուարների ստեղծման մեջ։ Յուրաքանչյուր արտադրանք պատրաստվում է ձեռքով՝ մեծ ուշադրությամբ մանրուքներին։ Օգտագործվում են բարձրորակ նյութեր, իսկ դիզայնը մշակվում է այնպես, որ համատեղի գեղագիտական տեսքը և գործնական կիրառելիությունը։
Բրենդի հիմնական նպատակը մարդկանց առաջարկելն է ոչ միայն գեղեցիկ, այլև անհատականություն արտահայտող իրեր։ TARAÉ-ն ստեղծում է այնպիսի արտադրանք, որը նախատեսված է ձեռագործը գնահատող, յուրօրինակ ոճ փնտրող և որակը կարևորող մարդկանց համար։ Բիզնեսը մատուցում է ձեռագործ արտադրանքի պատրաստման և վաճառքի ծառայություն՝ առաջարկելով յուրահատուկ աքսեսուարներ, որոնք կարող են ծառայել թե՛ առօրյա օգտագործման, թե՛ որպես նվեր։ Կայքում ներկայացվելով՝ բրենդը հնարավորություն է ստանում հասնել ավելի լայն լսարանի և ներկայացնել իր արժեքները՝ սեր, ջերմություն և անհատական մոտեցում յուրաքանչյուր ստեղծագործության մեջ։ |
Պատմություն
|
Անժելիկա Հակոբյանը ծնվել է 2001 թվականի հոկտեմբերի 17-ին՝ Ստեփանակերտում։ Ավարտել է հ.8 միջնակարգ դպրոցը, այնուհետև ուսումը շարունակել է Մեսրոպ Մաշտոցի համալսարանում՝ Կովկասագիտություն բաժնում, որն ավարտել է գերազանցությամբ։ Մասնագիտական գործունեությունը սկսել է նույն համալսարանում՝ աշխատելով որպես «Կարիերայի կենտրոնի» մասնագետ։ Անժելիկան ամուսնացած է, ունի երկու որդի։ Նրա կյանքի կարևոր շրջափուլերից մեկը համընկել է պատերազմի և բլոկադայի տարիներին․ առաջնեկի ծնունդը պետք է լիներ այդ դժվար ժամանակահատվածում, սակայն ստեղծված իրավիճակի պատճառով նա որդուն լույս աշխարհ է բերել Երևանում։ Այսօր նրա մեծ որդին 2 տարեկան է, իսկ փոքրիկը՝ 7 ամսական։ Ձեռագործ աշխատանքի նկատմամբ սերը ձևավորվել է դեռ պատանի հասակից, երբ հաճախել է համապատասխան խմբակներ և առաջին անգամ բացահայտել ստեղծելու ու ձեռքով գեղեցիկ իրեր պատրաստելու հաճույքը։ Ժամանակի ընթացքում այդ հետաքրքրությունը խորացել է՝ վերածվելով սիրելի զբաղմունքի, իսկ տարիների փորձը՝ նպատակասլաց գաղափարի։ Այդպես էլ ծնվել է նրա սեփական բրենդը՝ TARAÉ։
|
|
