Ստելկա ձեռքի աշխատանքի մասին
|
|
Stelka բրենդը՝ բազմաժանր ձեռագործ աշխատանքների յուրահատուկ հավաքածու է, որը միավորում է հելունով և շյուղերով գործված խաղալիքները, մանկական հագուստը, ջերմ ու գեղեցիկ ծածկոցները, ինչպես նաև նուրբ ասեղնագործ ծաղկենկարները։ Յուրաքանչյուր աշխատանք ստեղծվում է մեծ սիրով, ուշադրությամբ և հոգատարությամբ՝ փոխանցելով ջերմություն ու հարմարավետություն։ Հատկապես խաղալիքները առանձնանում են իրենց կենդանությամբ և արտահայտչականությամբ՝ կարծես ունենան սեփական բնավորություն ու պատմություն։ Բրենդի յուրաքանչյուր ստեղծագործություն ոչ միայն ձեռագործ իր է, այլ նաև զգացում, որը հասնում է իր հասցեատիրոջը։
|
Պատմությունը
|
Բրենդի հեղինակը Ստելլա Իսախանյանն է՝ արցախցի ստեղծագործող, ով ծնվել և մեծացել է Ստեփանակերտում։ Ձեռագործության հանդեպ սերը նրա մեջ ձևավորվել է դեռ մանկուց, և նա սկսել է ստեղծագործել ընդամենը 7 տարեկանից։ Լինելով ինքնուս վարպետ՝ տարիների ընթացքում Ստելլան իր համառ աշխատանքի շնորհիվ զարգացրել և կատարելագործել է իր հմտությունները։ Ստեփանակերտում աշխատել է մանկապատանեկան ստեղծագործական կենտրոնում՝ որպես խմբակավար՝ իր գիտելիքներն ու սերը փոխանցելով երեխաներին։ Նրա համար ձեռագործությունը պարզապես զբաղմունք չէ, այլ կյանքի անբաժան մաս՝ ստեղծելու, զարգանալու և գեղեցիկը մարդկանց հետ կիսելու ճանապարհ։
|
|
