Մեր Մասին

​​Ծրագրի գաղափարը
  • Ծրագրի գաղափարը ծագել է «Թաքնված ճանապարհ » նախաձեռնության կրթաթոշակառու Նազելի Բեդյանի կողմից, ով նույնպես Արցախից է և ցանկանում է իր համայնքը՝Արցախը զարգացնել վիրտուալ հարթակում:
  • Սիրով՝ Արցախից-ը միասնական առցանց հարթակ, որտեղ ներկայացվում են արցախյան բիզնեսները, նրանց արտադրանքը և ստեղծման պատմությունները։
​​Ծրագրի նպատակը​
  • Մեր նպատակն է մեկ հարթակում միավորել Արցախյան բիզնեսները՝ դարձնելով դրանք ավելի տեսանելի, հասանելի և ճանաչելի։ Մենք ձգտում ենք աջակցել տեղական ձեռնարկություններին՝ օգնելով ներկայացնել իրենց գործունեությունը, պատմել իրենց անցած ճանապարհը և հասնել ավելի լայն լսարանի։ Մեր առաքելությունն է ստեղծել վստահելի և միասնական միջավայր, որտեղ յուրաքանչյուր բիզնես կարող է զարգանալ, իսկ յուրաքանչյուր այցելուն՝ հեշտությամբ գտնել իրեն անհրաժեշտ ծառայությունը կամ ապրանքը։ Մենք հավատում ենք, որ համայնքային աջակցությունը և փոխադարձ համագործակցությունը բիզնեսների զարգացման կարևոր հիմքն են։​
​​​Ծրագրի առաքելությունը
  • Մեր առաքելությունն է նպաստել համայնքային տնտեսական ակտիվությանը՝ խրախուսելով համագործակցությունը և աջակցելով տեղական արտադրողներին ու ծառայություններ մատուցողներին։
  • Այսպիսով, մենք ստեղծում ենք միջավայր, որտեղ բիզնեսները զարգանում են, իսկ այցելուները՝ գտնում վստահելի ծառայություններ և ապրանքներ, ծանոթանում նրանց պատմություններին և ճանաչում իրական մարդկանց՝ իրենց աշխատանքին ու նվիրումին հետևողները։

Արցախը մեր սրտում

Այս քարտեզը պարզապես տարածք չէ։
Սա մեր մարդկանց հիշողությունն է, աշխատանքը, ստեղծագործ միտքն ու տարիներով ձևավորված մշակույթը։
​
Այսօր արցախյան բիզնեսները գործում են Հայաստանի տարբեր անկյուններում, սակայն նրանց արմատները այստեղ են։
Օգտվելով նրանց արտադրանքից՝ մենք պահպանում ենք կապը այդ հողի հետ։